ያች ፡ ታናሽ ፡ መንጋ ፡ ብፅዕት ፡ ናት (Yach Tanash Menga Bitsiet Nat)

ያች ፡ ታናሽ ፡ መንጋ ፡ ብፅዕት ፡ ናት የክርስቶስ ፡ ቤተ ፡ ሰው ጠላትም ፡ ቢያስጨንቃት እረኛዋም ፡ ታላቅ ፡ ነው ከመከራ ፡ ያድናታል በቃሉም ፡ ያበረታታል ወዳገሩም ፡ ይመራታል በእጁም ፡ ይይዛታል በጐቹንም ፡ ያውቃቸዋል እነርሱም ፡ አወቁት ልባቸውም ፡ አዲስ ፡ ሆኗል ቃሉንም ፡ አመኑት በመንፈስ ፡ ኃይልና ፡ ብርሃን ከፍርድ ፡ ከሰይጣንም ፡ ሥልጣን ተቀበሉ ፡ ምሉዕ ፡ መዳን የአምላክ ፡ ቅዱሣን እኔስ ፡ ኦ! ኢየሱስ ፡ ያንት ፡ እሆን? እኔንም ፡ ታውቅ ፡ ይሆን? ተከትዬህ ፡ እሄድ ፡ ይሆን? ታስገባኝስ ፡ ይሆን? ኦ! ጌታ ፡ ኢየሱስ ፡ ጥያቄን ስጠይቅ ፡ መልስ ፡ መልስህን በበጐች ፡ መንጋ ፡ ውስጥ ፡ እኔን ት ቆ ጥ ራ ለ ህ ን? አቤቱ ፡ ልቤን ፡ መርምረው ለአንተስ ፡ ይቻልሃል በፍፁም ፡ የአንተ ፡ አድርገው ስለርሱ ፡ ሙተሃል ችሮታህም ፡ ሳይታወቀኝ በሕይወትህ ፡ የገዛኸኝ እሞት ፡ ድረስ ፡ ከወደድኸኝ ልወድህ ፡ አስተምረኝ ኋላም ፡ ትወደኛለህ ፡ ወይ? ብለህ ፡ ብትጠይቀኝ እላለሁ ፡ ቸር ፡ ወዳጄ ፡ ሆይ! አንተማ ፡ አወቅኸኝ ድካም ፡ ቢያጐላላኝም በኃጢአት ፡ ብጨነቅም ልከተልህ ፡ ልወድህም ፈቃዴስ ፡ ሆኗል ስቸር ፡ ስፈራ ፡ ምላሼን ልሰጥ ፡ ቢቸግረኝ አንተስ ፡ ትላለህ ፡ ገንዘቤን መውደድም ፡ አይቸግረኝ በሞት ፡ በሕይወት ፡ ወደድኸኝ ለአንተም ፡ በደምህ ፡ ዋጀኸኝ ኦ! ቸር ፡ ወዳጄ ፡ ለአንተ ፡ ነኝ በፊት ፡ ለወደድኸኝ