መድኃኒቱን ፡ ብቻ ፡ ተስፋ ፡ ሲያደርገው (Medhanitun Becha Tesfa Siyadergew)
From WikiMezmur, the free amharic mezmur lyrics database.
|
|
|
|
ሌሎች ፡ የድሮ ፡ መዝሙሮች
(Other Classic Mezmur Lyrics)
|
|
|
መድኃኒቱን ፡ ብቻ ፡ ተስፋ ፡ ሲያደርገው
በኢየሱስ ፡ የሚያምን ፡ በዕርግጥ ፡ ብጹዕ ፡ ነው
ድካም ፡ ጉስቁልናም ፡ ቢያስደነግጠው
በወንጌል ፡ የተሰጠ ፡ መጽናናቱ ፡ ይብቃው
አንዳንድ ፡ ጊዜ ፡ ክርስቶስ ፡ በግልጥ ፡ ይታየናል
ሌላ ፡ ግን ፡ ፍፁም ፡ ይሰወርብናል
ግን ፡ በሕሊናችን ፡ እንዲህ ፡ ሲለወጥም
ከኢየሱስ ፡ የተሰጠን ፡ ሰላም ፡ አይናወጥም
በኢየሱስ ፡ መሞት ፡ አምላክ ፡ እንደታረቀን
መጽናናት ፡ ሊሆንልን ፡ ወንጌሉ ፡ ነገረን
በደሙ ፡ መድኃኒትም ፡ ተገኝቶልናል
ይህንም ፡ ለዓለም ፡ ሁሉ ፡ መግለጥ ፡ ያስመኘናል
ዘወትር ፡ የአምላኩ ፡ ወዳጅ ፡ ከመሆን
የበለጠ ፡ ብፅዕና ፡ ወዴት ፡ ይገኝ ፡ ይሆን?
እስክንተያይህ ፡ በጭንቀት ፡ ስንኖር
ኦ! ኢየሱስ ፡ ይህ ፡ ሰላምህ ፡ ልባችንን ፡ ይጡር
|