እንዳልተውህ ፡ እንዳልረሳህ ፡ ጌታ (Indaltewuh Indalresah Gieta)

አዝ ፣ እንዳልተውህ ፣ እንዳልረሳህ ፡ ጌታ ጣርህን ፡ አስታውሰኝ ፣ በዚያች ፡ በጐልጐታ (፪X) ምውት ፡ እንኳ ፡ ብሆን ፣ ለመንቃት ፡ የማልችል የቃልህን ፡ ምሥጢር ፡ ጌታ ፡ ሆይ! ልቀበል በድካሜ ፡ ብዛት ፣ ኢየሱስ ፡ ሆይ! እንዳልወድቅ የመስቀልህን ፡ ምሥጢር ፡ ጠለቅ ፡ ብዬ ፡ ልወቅ አዝ ፣ እንዳልተውህ ፣ እንዳልረሳህ ፡ ጌታ ጣርህን ፡ አስታውሰኝ ፣ በዚያች ፡ በጐልጐታ (፪X) ፀጋህ ፡ እንደማይለየኝ ፣ አምላኬ ፡ ሆይ! ባውቅም መውደቅም ፡ ስለአለ ፡ በመቆሜ ፡ አላምንም ስለዚህ ፡ ጌታ ፡ ሆይ! በፀጋህ ፡ አቁመኝ ብቻዬን ፡ የማልችል ፡ እኔ ፡ ደካማ ፡ ነኝ አዝ ፣ እንዳልተውህ ፣ እንዳልረሳህ ፡ ጌታ ጣርህን ፡ አስታውሰኝ ፣ በዚያች ፡ በጐልጐታ (፪X) በስደትም ፡ ቢሆን ፡ ለስምህ ፡ ለመሞት ኃይልን ፡ ብትሰጠኝም ፡ ከመንፈስህ ፡ ሙልዓት ይህን ፡ እረስቼ ፡ እንዳልመለስ እንደ ፡ ሶምሶን ፡ ኃይልን ፡ በላዬ ፡ ላይ ፡ አፍስስ አዝ ፣ እንዳልተውህ ፣ እንዳልረሳህ ፡ ጌታ ጣርህን ፡ አስታውሰኝ ፣ በዚያች ፡ በጐልጐታ (፪X)