በአምላክ ፡ ተመርተን ፡ በቃሉ ፡ ብርሃን (BeAmlak Temerten Beqalu Berhan)

በአምላክ ፡ ተመርተን ፡ በቃሉ ፡ ብርሃን በልጁም ፡ ሲጸና ፣ የምሕረት ፡ ኪዳን ያላየነው ፡ ዘመን ፡ ሲብት ፡ አንፍራ ያ ፡ ቸር ፡ እረኛችን ሲኖር ፡ በቅርባችን ሲሄድ ፡ በፊታችን ከምን ፡ እንፍራ? ከጨለማ ፡ ዓለም ፣ ከምድር ፡ ሥቃይ አንድ ፡ ጭፍራ ፡ ተነሣ ፡ ሊጓዝ ፡ ወደ ፡ ላይ የጭፍራውም ፡ ገናነት ፡ ተሠውሯል ግን ፡ አምላክ ፡ ሲቀድም ሲከተል ፣ ሲከብም ሲደግፍ ፣ ሲሸከም ይጋርደዋል ከንቱነቱን ፡ ዓለም ፡ ሲፈልግ ፡ ሲሻው በርኩሰትም ፡ ብቻ ፡ ሲሆን ፡ ደስታው ያን ፡ ጭፍራ ፡ ልከተል ፡ ሲሄድ ፡ ወደ ፡ ላይ ያልታወቀውን ፡ ክብር ያልታሰበውን ፡ ነገር የተስፋውንም ፡ ምድር ላገኝ ፡ በሰማይ የደመና ፡ ዓምድ ፡ የእሣት ፡ ግለትም ውኃ ፡ የሚሰጠን ፡ ሕያው ፡ ዓለትም ዘወትር ፡ ሊመሩ ፡ ይከተሉናል ያን ፡ ቅዱሥም ፡ ዓለት ብታየው ፡ በዕምነት ለሞቱቱ ፡ ሕይወት ሊሰጥ ፡ ይችላል ያ ፡ ዓለትም ፡ ክርስቶስ ፡ መድኃኒቴ ፡ ነው ያነፃንም ፡ ደም ፡ የወጣበት ፡ ውሃው የኃጢአታችን ፡ ሥርየት ፡ አለነ በአንዱ ፡ በኢየሱስ ያ ፡ ጻድቅ ፣ ያ ፡ ቅዱስ ለምስኪን ፣ ለርኩስ መድኃኒት ፡ ሆነ በሰይጣን ፡ ስጨነቅ ፡ ሲበዛብኝ ፡ ድካም መድኃኒቴ ፡ ሆነ ፡ የልቤ ፡ ሰላም በመስቀሉ ፡ ሞተ ፡ ለሁሉ ፡ ኃጥአን ለሁሉም ፡ ከሞተ ሁላችንም ፡ ሞትነ ለሁሉም ፡ ከሞተ ተገኘ ፡ መዳን በአምላኬ ፡ ፊት ፡ በደለኛ ፡ ስሆን በኢየሱስ ፡ ብገኝ ፡ ማን ፡ ይከሰኝ ፡ ይሆን? በኢየሱስ ፡ በልጁ ፡ የጸደቅሁ ፡ ነኝ በእርሱም ፡ ሲያየኝ አንድ ፡ ርኩሰትም ፡ የለኝ ሥምረቱ ፡ ግን ፡ አለኝ በኢየሱስ ፡ ስገኝ ይህም ፡ የብፅዕና ፡ መያዣዬ ፡ ነው የኢየሱሥም ፡ ፅድቅ ፡ መጸናናቴ ፡ ነው ያነገብሁት ፡ ጋሻም ፣ የደፋሁት ፡ ቁር መድኃኒቴ ፡ ሳለ ረድዔት ፡ ዘወትር ፡ አለ መድኃኒቴ ፡ ሳለ በተስፋ ፡ ልኑር ኦ! ኢየሱስ ፡ ያልተውኸነ ፡ እስከ ፡ አሁን መታመንህ ፡ ብቻ ፡ ተስፋችን ፡ ይሁን ተሸከመን ፣ ጋርደን ፣ ከኛም ፡ዘንድ ፡ ሁን አሜን! ለዘለዓለም ምሥጋና ፡ ስብሐትም ለአምላክ ፡ ለበጉም ሳይጨረስ ፡ ይሁን