From WikiMezmur, the free amharic mezmur lyrics database.
ኃይልህን ፡ ቀምሸ ፡ ክንድህን ፡ አይቼ
ክብርህ ፡ ተንሰራፍቶ ፡ በዓይኔ ፡ ተመልክቼ
ያን ፡ ሁሉ ፡ ዘነጋሁ ፡ ዓለምን ፡ አይቼ
ልሄድም ፡ ተመከርኩ ፡ ከአንተ ፡ ተለይቼ
አንተ ፡ ግን ፡ ጌታዬ ፡ ጠብቀኝ ፡ ልጅህን
እግሬን ፡ ልትመልሰው ፡ ልትረዳኝ ፡ ፍጠን (፪x)
ፍቅርህ ፡ ግድ ፡ ይለኛል ፡ እንዳልለይህ
ኮብልዬም ፡ ብጠፋ ፡ ከድሎት ፡ ደጅህ
ከችጋሩ ፡ ሌላ ፡ ፀጋ ፡ ምህረትህ
አያስጨክኑኝም ፡ ትዝታዎችህ
ከቤትህ ፡ ሸሽቼ ፡ ወዴት ፡ እደርሳለሁ
ከመንፈስህ ፡ ርቄ ፡ ወደማን ፡ እሄዳለሁ (፪x)
ምድሪቱ：አንገላታኝ ፡ አላማዬን ፡ ስቼ
ወደ ፡ ግራና ፡ ቀኝ ፡ ዓይኖቼን ፡ አንስቼ
ኃጥዕ ፡ ሲለመልም ፡ ሲቀናው ፡ አይቼ
ፍጻሜውን ፡ ሳላይ ፡ በሥራው ፡ ቀንቼ
ፍሬ ፡ የሌለው ፡ ከንቱ ፡ ለካስ ፡ ባዶ ፡ ኖሯል
ግን ፡ የእኔው ፡ ደስታ ፡ ከዓለም ፡ ይልቃል (፪x)
ነፍሴ ፡ ተንገድግዳ ፡ ልትወድቅ ፡ ነበረ
ግን ፡ ድጋፍ ፡ አገኘች ፡ ጠላቴም ፡ አፈረ
የምን ፡ መታለል ፡ ነው ፡ ጉዳቴስ ፡ የቱ ፡ ነው
ተደላድያለሁ ፡ ኢየሱስ ፡ በቀኝ ፡ ነው
አረጋግጦልኛል ፡ ጌታ ፡ እንደማይተወኝ
ጠላት ፡ ተስፋ ፡ ቁረጥ ፡ አትችልም ፡ ልትጥለኝ (፪x)
|
