From WikiMezmur, the free amharic mezmur lyrics database.
የሀጢያተኞች ወዳጅ ጓደኛ
የጠፋውን ምትፈልግ እረኛ
የደሃ አደጎች ሁሉ አባት
ምታኖራቸው ባማረ ቤት
የመበለቲት ዋና ተሟጋች
ጠበቃ ነህ ለተጎዳች
ለተጨነቁ ሁሉ ደራሽ
የታመሙትን ደግሞ ፈዋሽ
አቤት ፍቅርህ ስንቱን ታደገ
ከጠፋንበት እየፈለገ
ቀና አደረገን ከሸክማችን
ፀጋህ ባይረዳን ጠፍተን ነበርን
ተማርኬ በፍቅርህ
አመልክሃለው ወድቄ ፊትህ
በፈቃዴ ደስ እያለኝ
ጌታ ኢየሱስ እወድሃለሁ
ቀኑ ሲመሽ ሰው ሁሉ ሲሄድ
የማትቸኩል ለቁጣ ለፍርድ
የውስጥ የልብን ሁሉ ተረድተህ
እንባን ከዐይን ታብሳለህ
አሮጌውን ልብስ አውልቀህ ጥለህ
የፀጋ ካባን ለኛ ደርበህ
እዳችንንም በመስቀል ከፍለህ
ያጸደከን እንዲሁ በፀጋህ
አቤት ፍቅርህ ስንቱን ታደገ
ከጠፋንበት እየፈለገ
ቀና አደረገን ከሸክማችን
ፀጋህ ባይረዳን ጠፍተን ነበርን
ተማርኬ በፍቅርህ
አመልክሃለው ወድቄ ፊትህ
በፈቃዴ ደስ እያለኝ
ጌታ ኢየሱስ እወድሃለሁ
እኔም ዋና ምስክር ነኝ
አውቃለሁ ከየት እንዳነሳኸኝ
በፍቅር እጆችህ እጆቼን እየያዝክ
ከስንቱ ጥፋት መለስከኝ
|
