From WikiMezmur, the free amharic mezmur lyrics database.
እያሳሳቀ ፡ ይወስዳል ፡ ውኃ
ወደ ፡ ሙት ፡ አገር ፡ ወደ ፡ በረሃ
እዳር ፡ ዳር ፡ ማለት ፡ በኃጥያት ፡ ሰፈር
ወድቆ ፡ ለማንባት ፡ ለመሰባበር
ሽሽ ፡ እንጂ ፡ ማነው ፡ ያለህ ፡ ተጠጋ
በጠላትህ ፡ ቀስት ፡ እንዳትወጋ
ኃጢአት ፡ አይምርም ፡ አንተን ፡ አግኝቶ
የሚሻለው ፡ ግን ፡ ማምለጥ ፡ ነው ፡ ሸሽቶ
ይቅርብህ ፡ እንዲያው ፡ በዋል ፡ ፈሰስ
ይቅርብህ ፡ በሕይወት/በነፍስ ፡ ላይ ፡ አመፅ
ይቅርብህ ፡ እንዲያው ፡ ወጣ ፡ ገባ
ዕድሜህን ፡ አታድርገው ፡ የእንባ (፪x)
ቅጥርን ፡ የሚያፈርስ ፡ እንደሚነደፍ
ከፅድቅ ፡ ክሌ ፡ አትውጣ ፡ አትለፍ
እንደ ፡ ተራበ ፡ ሆኖ ፡ እንደ ፡ አንበሳ
ይጠብቅሃል ፡ ክፉ ፡ እያገሳ
ፈቀቅ ፡ ብትል ፡ አንዲት ፡ እርምጃ
መመለስህን ፡ መምጣትህን ፡ እንጃ
የተከፈተው ፡ የአውሬው ፡ መንጋጋ
ውጦ ፡ ያስቀርሃል ፡ አትዘናጋ
መለስ ፡ እስኪ ፡ አንዴ ፡ በል ፡ መለስ
አስብ ፡ በእርጋታ
አይሻልም ፡ ዎይ ፡ መኖር ፡ በጌታ
የሚያስጐመጀው ፡ ሁሉ ፡ አይበላ
ሞትን ፡ ደብቆ ፡ ይዟል ፡ ከኋላ
አትንካ ፡ ካለህ ፡ ቅዱስ ፡ አምላክህ
ስለሚያውቅ ፡ ነው ፡ አስተውል ፡ ባክህ
እሳትን ፡ እሳት ፡ አቅፎ ፡ በጉያው
በአንዲት ፡ ሌሊት ፡ ነዶ ፡ ይጋያል
ኃጢአት ፡ አድብቶ ፡ ቆሟል ፡ በደጅህ
እባክህ ፡ አትተኛ ፡ ነቃ ፡ በል ፡ እንጂ
ይቅርብህ ፡ እንዲያው ፡ በዋል ፡ ፈሰስ
ይቅርብህ ፡ በሕይወት/በነፍስ ፡ ላይ ፡ አመፅ
ይቅርብህ ፡ እንዲያው ፡ ወጣ ፡ ገባ
ዕድሜህን ፡ አታድርገው ፡ የእንባ (፪x)
ይቅርብህ (፫x)
|
