From WikiMezmur, the free amharic mezmur lyrics database.
ነገ ፡ መልካም ፡ ይሆናል
እያልኩኝ ፡ በተስፋ ፡ እኖራለሁ
ግራ ፡ ቀኝ ፡ አላይም ፡ እጠብቅሃለሁ (፪x)
ግን ፡ ለምን ፡ አልገባኝም
ስጠራህ ፡ ዝም ፡ አልከኝ
የዓይኖቼ ፡ እምባ ፡ እስኪፈስ
ለምኜ ፡ ተው ፡ ተመለስ (፪x)
በመንፈቅ ፡ ሌሊት ፡ ከአልጋዬ ፡ ወርጄ
ሚስጢሬን ፡ ነገርኩህ ፡ ፊትህ ፡ ተደፍቼ
እንግዲህ ፡ ሁሉንም ፡ በአድራሻ ፡ ልኬያለሁ
እኔም ፡ በአድራሻዬ ፡ እጠብቅሃለሁ (፪x)
ከሰዎች ፡ ደብቄ ፡ ለአንተ ፡ የነገርኩህ
እንዴት ፡ አደረክልኝ ፡ ያጫወትኩህን
ዛሬም ፡ ነገም ፡ እጠብቅሃለሁ
ድንገት ፡ ትመጣለህ ፡ ይህን ፡ አውቃለሁ (፪x)
ዓመታት ፡ ሲሄዱ ፡ በጥያቄዬ ፡ ላይ
የተውከው ፡ መሰለኝ ፡ ታክቶ ፡ የእኔ ፡ ጉዳይ
ዛሬ ፡ ቢሆን ፡ ነገ ፡ እታገስሃለሁ
ልትረዳኝ ፡ ስትመጣ ፡ ድንገት ፡ አይሃለሁ (፪x)
ከሰዎች ፡ ደብቄ ፡ ለአንተ ፡ የነገርኩህ
እንዴት ፡ አደረክልኝ ፡ ያጫወትኩህን
ዛሬም ፡ ነገም ፡ እጠብቅሃለሁ
ድንገት ፡ ትመጣለህ ፡ ይህንን ፡ አውቃለሁ (፪x)
አይሃለሁ ፡ ስትደርስልኝ
አይሃለሁ ፡ ስትመጣልኝ
አይሃለሁ ፡ መልሴንም ፡ ከላይ
አይሃለሁ ፡ ስትልክልኝ (፫x)
|
