Tesfaye Gabisso/Egziabhier Menfes New/Lamesgeneh Zariem
ዘማሪ ተስፋዬ ጋቢሶ
ርዕስ ላመስግንህ ዛሬም
አልበም እግዚአብሔር መንፈስ ነው
ትንፋሼንና መንገዴ ሁሉ በእጅህ ይዘህ
እንደ ዓይንህ ብሌን አርገህ ለእኔ ተጠንቅቀህ
ከሚጐዳኝ ነገር ዘወትር ጋረድክ ሰውረህ
ተመሥገን ከማለት ሌላ ለአንተ ምን ልክፈልህ
አዝ
ላመስግንህ ዛሬም የእኔ ጌታ
ስለማይነገር ስጦታህ ስላማይቆጠር ውለታህ
በእውነት አንተ ታማኝ ነህ
ዘላለም ይወደስ ይክበር ታላቅ ሥምህ
በሀዘን ስመታ ሲከፋኝም አንዳንድ ጊዜ
ከብዶ ሲጫጫነኝ ሲደራረብብኝ ትካዜ
የመፅናናት ጌታ ማን እንደ አንተ ደረሰልኝ
የልቤን ተካፍሎ አይዞህ ሊለኝ ሊያበረታኝ
አዝ
ላመስግንህ ዛሬም የእኔ ጌታ
ስለማይነገር ስጦታህ ስላማይቆጠር ውለታህ
በእውነት አንተ ታማኝ ነህ
ዘላለም ይወደስ ይክበር ታላቅ ሥምህ
ራሴን አውቀው አለሁ እጅግ አስቀያሚ ነበርኩ
ምስኪን አላማ ቢስ በኃጥያት የተቅበዘበዝኩ
ግን እንዲያው ወደኸኝ ሰው ሆኛለሁ በአንተ ብርታት
በቂ ቃል የለኝም ልገልፅ የውለታህን ብዛት
አዝ
ላመስግንህ ዛሬም የእኔ ጌታ
ስለማይነገር ስጦታህ ስላማይቆጠር ውለታህ
በእውነት አንተ ታማኝ ነህ
ዘላለም ይወደስ ይክበር ታላቅ ሥምህ
አህዛብ ባያውቁህም የእኔ ነፍስ ግን ታውቅሃለች
የፍቅር ፊትህን በእየለት ትናፍቃለች
ያለ አባትነትህ መኖር ከቶ አይሆንላትም
መሳይ አጭበርባሪ ሁሉ ከአንተ አይነጥላትም
አዝ
ላመስግንህ ዛሬም የእኔ ጌታ
ስለማይነገር ስጦታህ ስላማይቆጠር ውለታህ
በእውነት አንተ ታማኝ ነህ
ዘላለም ይወደስ ይክበር ታላቅ ሥምህ