አድራሻዬ ፡ መስቀሉ ፡ ስር ፡ ነው (Adrashayie Mesqelu Ser New) - ታምራት ፡ ሃይሌ

በእንባና ፡ በጣር ፡ በጭንቅ ፡ በመከራ በእሳት ፡ ውስጥ ፡ አልፎ ፡ ሕይወቴ ፡ ተገራ ማዕበሉም ፡ ንፋሱም ፡ ሰራኝ ፡ ደህና ፡ አድርግ ጠላት ፡ ለክፉ ፡ ሲል ፡ ሆነልኝ ፡ ለበጐ ዛሬማ ፡ ወዳጄ ፡ ዐይኖቼ ፡ ተከፍተው ፡ አያለሁ ፡ አርቄ የሕይወት ፡ ትርጉሙ ፡ በወጉ ፡ ገብቶኛል እይዛለሁ ፡ አጥብቂ ፡ አድራሻዬን አዝ:- አድራሻዬ ፡ መስቀሉ ፡ ስር ፡ ነው ፡ አድራሻዬ (፪x) መዳናዬ ፡ መጽናናዬ ፡ መፈወሻዬ መስቀሉ ፡ ስር ፡ ነው ፡ አድራሻዬ የብሶት ፡ የቋቱም ፡ ሲገነፍል ፡ ሞልቶ እምነቴ ፡ ሲከዳኝ ፡ መታጠቂያው ፡ ላልቶ የመለወጫዬ ፡ የጸሎቴ ፡ ቦታ ድምጹን ፡ ሲያሰማኝ ፡ ሲያናግረኝ ፡ ጌታ እጁ ፡ ስትዳስሰኝ ፡ ሸክሜን ፡ ሲያወርድልኝ ፡ ሁሉን ፡ እረሳለሁ በሃዘን ፡ መጥቼ ፡ በእምባ ፡ ተንበርክኬ በሳቅ ፡ እነሳለሁ ፡ አድራሻዬ አዝ:- አድራሻዬ ፡ መስቀሉ ፡ ስር ፡ ነው ፡ አድራሻዬ (፪x) መዳናዬ ፡ መጽናናዬ ፡ መፈወሻዬ መስቀሉ ፡ ስር ፡ ነው ፡ አድራሻዬ ንፋሱ ፡ ባይነፍስ ፡ ባይታይ ፡ ደመና እጠብቀዋለሁ ፡ ጌታ ፡ ብሏልና ቃሉ ፡ አይታጠፍም ፡ ታማኝ ፡ ነው ፡ አምላኬ ምስክር ፡ ቢያስፈልግ ፡ የትላንት ፡ ታሪኬ የመጠበቂያዬን ፡ የጸሎቴን ፡ አምባ ፡ አልወጣም ፡ ለቅቄ እስኪ ፡ መልስልኝ ፡ እማጸነዋለሁ ከእግሩ ፡ ስር ፡ ወድቄ ፡ አድራሻዬ አዝ:- አድራሻዬ ፡ መስቀሉ ፡ ስር ፡ ነው ፡ አድራሻዬ (፪x) መዳናዬ ፡ መጽናናዬ ፡ መፈወሻዬ መስቀሉ ፡ ስር ፡ ነው ፡ አድራሻዬ ያወቀ ፡ ይስታል ፡ የቆመም ፡ ይወድቃል ብልህ ፡ ሰው ፡ ለነገው ፡ ስንቁን ፡ ይሰንቃል የጭንቀቱ ፡ ጭጋግ ፡ የተስፋውን ፡ ጮራ ሲሸፍነው ፡ ዋለ ፡ ወሬ ፡ ስናወራ አሁን ፡ ይበቃናል ፡ ለወሬ ፡ በርትተን ፡ ለጸሎት ፡ መስነፉ እንግባ ፡ ከጓዳ ፡ እዚያ ፡ ነው ፡ ሚገኘው የበረከት ፡ ቁልፉ ፡ አድራሻዬ አዝ:- አድራሻዬ ፡ መስቀሉ ፡ ስር ፡ ነው ፡ አድራሻዬ (፪x) መዳናዬ ፡ መጽናናዬ ፡ መፈወሻዬ መስቀሉ ፡ ስር ፡ ነው ፡ አድራሻዬ