Tamrat Haile/Ahunem Alehu Bemerkebu/Tarikie Yejemerew

ዘማሪ ታምራት ሃይሌ
ርዕስ ታሪኬ የጀመረው
አልበም አሁንም አለሁ በመርከቡ

ታሪኬ የጀመረው በቀራኒዮ ነው
በመስቀሉ ግርጌ
በአጋጣሚ አይደለም መወለድ ማደጌ
ሠይጣን ሲቀጠቀጥ እራሱን ሲመታ
ባርነቴ ሲሻር ሰንሰለት ሲፈታ
ጠላት ሲመሽበት ለእኔ ግን ሲነጋ
ይሄ ውብ ታሪኬ ተጀመረ እዚያጋ
ምሥጋናዬ ምሥጋናዬ ይኼው ለጌታዬ
ምሥጋናዬ ምሥጋናዬ ይኼው በዜማዬ

ከወህኒ ከፍርድ እኔኑ ሊያወጣ
ከድንግል ማርያም ሥጋ ለብሶ መጣ
መልክ ውበቱን ተወ የባርያን መልክ ያዘ
እስከ መስቀል ሞትም በፍቅር ታዘዘ
ካደረገው በቀር ኢየሱሴ
ምንም ታሪክ የለኝ የእራሴ

አዝ

በቃሉ እውነተኛ በተግባሩም ደግ
ከፋት የሌለበት የእግዚአብሔር በግ
እኔን ሊያዘምረኝ እርሱ አለቀሰ
እኔኑ ሊያከብረኝ ውርደትን ለበሰ
ከሥም ሁሉ በላይ ሥም አለው
ዛሬም ምሥጋናዬ ለእርሱ ነው

አዝ

ብዙ የነበረውን እዳዬን ሻረልኝ
ኃጢአቴን ሁሉ ከኋላው ጣለልኝ
በመስቀል ጠርቆ ከእኔ አስወግደው
ጨካኙን ከሳሼን ባዶ እጁን ሰደደው
እዚያው ጋ ጀመረ ታሪኬ
ምሥጋና ይብዛለት አምላኬ

አዝ