From WikiMezmur, the free amharic mezmur lyrics database.
በኃጥያት ፡ ባርነት ፡ ከታሰርንበት
የሞትን ፡ ሽታ ፡ ካጣጣምንበት
ወደ ፡ ፅድቅ ፡ አደባባይ ፡ ጠርተኸን
በሕይወት ፡ መዓዛ ፡ ይኸው ፡ ታወድን
የጥሪህ ፡ ተስፋ ፡ አስደናቂ ፡ ነው
የርስትህም ፡ ክብር ፡ እኩያ ፡ የለው
ስለሰጠኸን ፡ የመዳን ፡ ዕውቀት
ተመካን ፡ በኃይልህ ፡ ታላቅነት
አማኑኤል (፮x)
አሜን ፡ ይብዛልህ ፡ ምሥጋና (፫x)
አስተማማኝ ፡ ነህ ፡ ዘላቂ ፡ ዋስትና
ከድቅድቅ ፡ ጨለማ ፡ ውስጥ ፡ ወጥተና
ከሞት ፡ ጥላም ፡ ሃገር ፡ አምልጠናል
በሚደነቅ ፡ ብርሃን ፡ ልታኖረን
አዲስ ፡ ምዕራፍ ፡ ተከፈተልን
በቃል ፡ ኪዳንህ ፡ እየደገፍከን
በሸለቆ ፡ ህግህን ፡ አስተማርከን
እስከ ፡ ዘንድሮ ፡ በአንተ ፡ ዘልቀናል
ከእጆችህ ፡ መዳፍ ፡ ማን ፡ ያወጣናል
አማኑኤል (፮x)
አሜን ፡ ይብዛልህ ፡ ምሥጋና (፫x)
አስተማማኝ ፡ ነህ ፡ ዘላቂ ፡ ዋስትና
ማግኘት ፡ ማጣት ፡ መብዛት ፡ መጉደልን
መክበር ፡ መዋረድ ፡ መራብ ፡ መጥገብን
መነቀፍ ፡ መሞገሥም ፡ አይተናል
ጉልበት ፡ ሆነኸን ፡ ሁሉን ፡ ችለናል
ከእኛ ፡ ጋራ ፡ ነህ ፡ ማን ፡ ይከሰናል
አፀደከን ፡ ማን ፡ ይኮንነናል
ከአሸናፊዎች ፡ በአንተ ፡ እንበልጣለን
የለም ፡ ከፍቅርህ ፡ የሚነጥለን
እንዲህ ፡ መተናል ፡ ያለፈውን ፡ ዘመን
ስለ ፡ ነገውስ ፡ ምን ፡ አስጨነቀን
ኃያልነትህ ፡ እጅግ ፡ አስመካን
ኦ ፡ የእኛ ፡ ጌታ ፡ ተመሥገንልን
ዝማሬ ፡ አለን ፡ እስከዛሬ
ዕልልታ ፡ ዘላቂ ፡ አለኝታ
ጭብጨባ ፡ ሽብሸባ
የዘለዓለም ፡ አምባ
እኛስ ፡ በጐነት ፡ የለንም
|
