From WikiMezmur, the free amharic mezmur lyrics database.
ምንም ፡ በሌለበት ፡ ጭው ፡ ባለው ፡ በረሃ
አጋር ፡ ከነልጇ ፡ ወደዚያ ፡ ተሰዳ
ተደፍታ ፡ ስታለቅስ ፡ ምርር ፡ ያለ ፡ ለቅሶ
ምንጭ ፡ አፈለቀላት ፡ እግዚአብሔር ፡ ደርሶ [1]
ይደርሳል ፡ እግዚአብሔር ፡ ይደርሳል
ይደርሳል ፡ የተጠማ ፡ ያያል
ምንጭን ፡ ያፈልቅና ፡ አሜን ፡ ያሳርፋል (፪x)
መጠጥ ፡ እነደጠጣች ፡ ስካር ፡ እንደያዛት
ካህኑ ፡ ኤሊ ፡ እንኳን ፡ ሃናን ፡ ጠረጠራት
እርሷ ፡ ግን ፡ የውስጧን ፡ ችግሯን ፡ ለሚያውቀው
ተናገረችና ፡ ልቧ ፡ በእርሱ ፡ ፀና [2]
ይረዳል ፡ እግዚአብሔር ፡ ይረዳል
ይረዳል ፡ የውጥን ፡ ይረዳል
የተዘጋን ፡ ከፍቶ ፡ በልጅ ፡ ይባርካል (፪x)
እስራኤላውያኖች ፡ ቀንበር ፡ ከብዶባቸው
የግብፅ ፡ ባርነት ፡ እጅግ ፡ ሰልችቷቸው
ጮሁ ፡ ወደ ፡ እግዚአብሔር ፡ እንዲታደጋቸው
እጁን ፡ ዘረጋና ፡ ነፃ ፡ አወጣቸው [3]
ያወጣል ፡ እግዚአብሔር ፡ ያወጣል
ያወጣል ፡ ነፃነት ፡ ይሰጣል
ከእስራት ፡ ይፈታል ፡ አሜን ፡ ያሳርፋል (፪x)
እመሰክራለሁ ፡ በሕይወቴ ፡ አይቻለሁ
ንብ ፡ ማርን ፡ እንዲከብ ፡ ተከብቤ ፡ ሳለሁ
በጨነቀኝ ፡ ጊዜ ፡ አምላኬን ፡ ስጣራ
እርሱም ፡ ደረሰልኝ ፡ ጨለማዬም ፡ በራ
ያበራል ፡ እግዚአብሔር ፡ ያበራል
ያበራል ፡ ጨለማን ፡ ይገፋል
በድንቅ ፡ ይደርስና ፡ አሜን ፡ ያሳርፋል (፪x)
ቀን ፡ በደመና ፡ አምድ ፡ ለሊትም ፡ በእሳት
አቤት ፡ የእኔ ፡ ጌታ ፡ መምራትን ፡ ሲያውቅበት
ላዘነው ፡ መፅናናት ፡ ለደካማው ፡ ብርታት
ይሄ ፡ ነው ፡ አምላካችን ፡ እስኪ ፡ ዕልል ፡ በሉለት
ይብዛለት ፡ አሁንም ፡ ይብዛለት
ይብዛለት ፡ ምሥጋና ፡ ይብዛለት
አሜን ፡ ለአምላካችን ፡ ክብር ፡ ይሁንለት (፪x)
|
- ↑ ዘፍጥረት ፳፩ ፡ ፲፭ - ፲፱ (Genesis 21:15-19)
- ↑ ፩ ሳሙኤል ፩ ፡ ፲፪ - ፲፰ (1 Samuel 1:12-18)
- ↑ ዘፀአት ፫ ፡ ፩ - ፲፪ ፡ ፶ (Exodus 3:1-12:50)
