From WikiMezmur, the free amharic mezmur lyrics database.
ክብር ፡ ያስመለሱ ፡ መሰውያን ፡ ያደሱ
ሁሉም ፡ የረሱትን ፡ በእድሜያቸው ፡ ያነሱ
እግዚአብሔርን ፡ ሽተው ፡ ታሪክ ፡ ያስለወጡ
በየዘመናቸው ፡ ለእውነት ፡ የተሰጡ
ነበሩ ፡ አምላካቸውን ፡ ፈገግ ፡ ያስደረጉ
ከእጁ ፡ ይልቅ ፡ ፊቱን ፡ ለልብ/ከምር ፡ የፈለጉ (፪x)
በዘመኔ ፡ ሁሉ ፡ እኔም ፡ ሌላ ፡ አልሻም
አንተን ፡ እንጂ ፡ ጌታ ፡ ሌላ ፡ አላሳድድም
በልቤም ፡ ዙፋን ፡ ላይ ፡ ሌላ ፡ አይቀመጥም
ለአንተ ፡ እንጂ ፡ አምላኬ ፡ ለማንም ፡ አይሆንም
ብዙዎች ፡ ረክተዋል ፡ የእጅህን ፡ ስራ ፡ አይተው
እንጀራም ፡ ተርበው ፡ ስላበላሃቸው
በከንቱ ፡ ፈለጉህ ፡ ደግመህ ፡ እንድጸጣቸው
በቃኝ ፡ በማያውቀው ፡ ከንቱ ፡ መሻታቸው
እኔ ፡ ግን ፡ አንዲት ፡ ነገር ፡ እለምንሃለሁ
ከምትሰጠኝ ፡ በላይ ፡ አንተኑ ፡ እሻለሁ (፪x)
ወደቀኝም ፡ ሳልል ፡ ወደግራም ፡ ሳላይ
የመደበልኝን ፡ ተቀብዬ ፡ ከላይ
ሩጫዬን ፡ እሮጣለሁ ፡ እርሱ ፡ እየመራኝ
በመጨረሻው ፡ ቀን ፡ በእጣ ፡ ክፍሌ ፡ እንድገኝ
ወሰንኩኝ ፡ ላልመለስ ፡ እስከመጨረሻ
ከአምላኬ ፡ በስተቀር ፡ ልቤም ፡ ሌላ ፡ አይሻ (፬x)
|
