From WikiMezmur, the free amharic mezmur lyrics database.
ኤልሻዳይ ፡ ብዬ ፡ ዘምሬአለሁ
ጌታም ፡ ነህ ፡ ብዬ ፡ መስክሬአለሁ
አሁን ፡ ግን ፡ ቃላትን ፡ ስላጣሁ
ከምለው ፡ በላይ ፡ ነህ ፡ ብያለሁ
ከምልህ ፡ በላይ ፡ ጌታ (፫x) ፡ ነህ
የእኔ ፡ ቃላት ፡ የማይገልጽህ ፡ የሰው ፡ ቃላት
ከምልህ ፡ በላይ ፡ ጌታ ፡ ነህ
እኔን ፡ አሳፍሮኝ ፡ አያውቅም ፡ የማገለግለው ፡ ጌታ
ያኖረኛል ፡ በምድር ፡ ላይ ፡ ጠላቶቼን ፡ እየመታ
ለምን ፡ ይህን ፡ አደረግህ? ብሎ ፡ የጠየቀው ፡ የለም
ሥልጣኑ ፡ ከሁሉ ፡ በላይ ፡ ጉልበቱ ፡ ኤልሻዳይ ፡ ነው
እሠይ (፮x)
ጌታ ፡ ነው ፡ በምድር ፡ በሰማይ
ከሁሉም ፡ በላይ
ነው ፡ ኢየሱስ ፡ በምድር ፡ በሰማይ
ከሁሉም ፡ በላይ
ስለ ፡ በደሌ ፡ ዝቅ ፡ ብሎ ፡ መስቀል ፡ ተሸክም ፡ ያየው ፡ ሰው
የሰማይ ፡ የምድር ፡ ጌታ ፡ ነው ፡ ብሎ ፡ ማን ፡ ይገምተው?
ቢሆንም ፡ ተነሥቶ ፡ ጌታ ፡ በዓብ ፡ ቀኝ ፡ ተቀምጧል
በሰማይና ፡ በምድር ፡ ሁሉን ፡ አንበርክኳል
ግንበኞች ፡ የናቁት ፡ ድንጋይ ፡ እርሱ ፡ የማዕዘን ፡ ራስ ፡ ሆነ
አይጠቅምም ፡ ብለው ፡ የጣሉት ፡ የትንሣዔ ፡ ጌታ ፡ ሆነ
የናቁትን ፡ አሳፍሮ ፡ እጅ ፡ አስጭኗቸዋል
በመንግሥቱም ፡ እያበራ ፡ ዘለዓለም ፡ ይኖራል
|
