From WikiMezmur, the free amharic mezmur lyrics database.
ላንተ ክብርን ሳቀርብ - ስሰዋ ምስጋና
በልኬ ሰፍቼ እንዳላሳንስህ - እፈራለሁና
ደስ በሚያሰኝህ - አይነት እንዳመልክህ
አንተን አስተምረኝ - እንዳውቅህ በልክህ
ልወቅህ ጌታዬ - ደስ ተሰኝብኝ
በቃየን መሰዊያ - መስዋዕቴ አይገኝ - [አዝ]
ነፍሴ ሀሴት አድርጋ - ዝማሬ ‘ሰማለሁ
ከሚያመልኩህ ጋራ - አብሬ አምልኬአለሁ
“አባት አልልህም” - ሲሉህ አጅቤኣለሁ
ግን ካንተ ወዲያ አባት - ከየት አገኛለሁ?
[አዝ]
ልወቅህ ጌታዬ - ልሁን ባንተ ቅጥር
ባንተ ድልን ሳገኝ - ጦሬን እንዳልቆጥር - 2x
ላንተ የማቀርበው - ንጹህ መስዋዕቴ
ምሉዕ እንዲሆንልኝ - ቢሳካ ምኞቴ
ልቦናዬን አብራው - ክብርህን እንዳየው
ከስጦታ በላይ - ሰጪውን ልለየው!
[አዝ]
ትወቅህ ይኽች ልቤ - በቃልህ አሙቃት
እንዳሻት እንዳትሆን - ከጥፋት ጠብቃት - 2x
ሁሌ እንደለመድኩት - ስላደረግከው ድንቅ
ወይም ድል ለማግኘት - ስለከበበኝ ጭንቅ
አይሁን ጌታዬ ሆይ - ስብከቴን ጨምቄ
ላምልክ እንጂ ገብቶኝ - ክብርህን አውቄ
|
