From WikiMezmur, the free amharic mezmur lyrics database.
አትመጣም ወዪ - ኧረ አትመጣም ወዪ
ዛሬም አሻቅበናል - ወደሰማዪ
አትመጣም ወዪ - ዉዴ መምጫህ ናፈቀን
የከለለህ ደመና - መልክህን ደበቀን!
ጥንት የተሰራው ስራ - ዛሬ የሆነ መስሎ
በፊታችን ትይዩ - መሰቀልህ ተስሎ
አንተን አንተን እያልን - ዛሬም እዛ’ው ቆመናል
ልክ እንደሄድከው ሁሉ - ብትመጣልን ምናል?
[አዝ]
ዳግም መምጫህ ናፍቆናል - የፍጥረትህ ማረፊያ
ነፃ የምንወጣበት - ከአለም ትግል ልፊያ
እመጣለሁ እንዳልከን - እንደቃልህ ድንገት ና
በመምጣትህ ገላግለን - ካ’ለማዊ ፈተና!
[አዝ]
የስጋ ኑሮ ታከተን - የእድሜ ሙሉ ድካም
በምናገኘው ሁሉ - ልባችን ከቶ አይረካም
ትናንት ቆመናል ባልነው - ዛሬ ጠልፎን ወድቀናል
ኢየሱስ ቶሎ ናልን - ሁሉ መልካም ይሆናል!
[አዝ]
የኛን ጉጉት የሚያዩ - ጌታ በዚህ ነው ቢሉን
የመምጫህ ቁርጡን ጊዜ - አንድም ባናውቀው ውሉን
በከንቱ ጓዳ ሳይሆን - ዙሪያህ ሆኖ ደመና
አለምን ያናውጣል - የመመለስህ ዝና!
[አዝ]
|
